Novel Penuh Kisah Keluarga Arif Syahmi

Syahmi, Nasir, Siah, serati dan lain-lain adalah watak dalam cerita ala-ala novel  bersiri menggunakan dialek Kelantan dalam penyampaian cerita. Cerita ini dikongsikan oleh Arif Syahmi dalam facebook IRDK. Pelbagai reaksi pembaca apabila membaca cerita yang di tulis oleh Syahmi.

Sesiapa yang memahami dialek Kelantan, bolehlah membaca cerita ini sebagai hiburan.

▶1 (Syahmi Nga Srati)

Ore tepi umoh kito nim nk pero srati sngat pah x caro lepah kuksir abih nyo ecer taik atah tnggo umoh kito. Pah ko atah plano sikal kito nyo berok. Sakni kito katok mpuh kerah tigo ekor ngan bate kayu. Phtu anok dio hk drjoh tigo mari maroh nk pekong kito ngan pasir sbab katok srati ayoh dio. Kito nk mroh kito jamoh ramah taik srati hk atah plano sikal puakk selek atah muko dio abih puahh masuk pah dale mulut. Phtu kito ambik srati hk mpuh tadi piutt libas atah muko jerit selok. Duk smetar ayoh dio tubik celik mato kilah kain nk mari maroh kito. Paka x kecek bnyok kito lopat naik atah tnggo pecat sluar tunggeng punggong kdio phtu buu kito lari naik atah umoh kuci pitu. Pok ngan anok samo bodo lapar nk pero srati sngat pah x pndai nk jago. Pade muko

▶2 (Nasir lapar Nok Pero Srati)

Marin maso kito lari naik atah umoh lepah katok serati jiran kito tu kito jijok betih abah kito duk tngoh tido depe tibi glepar selok dio. Dio kejut bangun nk napar kito mjur ma kito ado. Dio tnyo mung brambak ngan sapo lari po babi tanoh spai jijok betih aku mung gamok x sakit ko nate budok. Kito oyak brambak ngan nasir hk tepi umoh tuh. Abah kito bngun ambik tukat gi umoh nasir pah tanyo bkpo mung ambak anok aku nasir dio ado wt saloh gpo ko mung? Nasir oyak kito katok srati dio mpuh tigo ekor. Pahtu abah kito oyak pade doh muko mung pero serati lepas kuksir sngat x tambak molek biar nyo mpuh lar abih berok atah tanggo aku. Duk smetar nasir turun bwok bate kayu nk katok abah kito. Abah kito kilah kain cawak kote doh tnggu nasir mari nok katok. Pahtu sede molek ma kito tubik bowok klewer bui ko abah kito bkebuk nasir lari naik atah umoh. Duk smetar bini nasir plok tubik nepik pah nyo pekong ngan alu lesung mujur x keno ma kito. Pahtu abah kito naik angin nepik jugok. Ma kito x puah ati turun nk gi kat bini nasir pahtu napok keto pronda polis lalu kuk depe umoh bkebuk pakat lari bera abih blako naik atah umoh. Nok tkecing kito suko duk nusuk blake gok kambing

▶3 (Baso Siah Mulot Huduh)

Kito baik doh ngan bdok hk kito slek taik srati atah muko dio baru nim. Dio blanjo askrim kelik koloh tkdih. Sakni maso kito duk main korek pasir ngan dio depe umoh mok dio bini nasir tuh mari maroh oyak ko anok dio mung xsoh duk saeng lar amir ngan bdok jahat gilo tuh mari naik atah umoh nih ko mung nk jadi jahat supo dio jgok duk wt ngenak katok srati ore. Brair meta mato kito. Kbetulan ma kito ado duk sida kain tepi umoh ma kito dngar. Paka x kecek bnyok ma kito hungga gi kat bini nasir piutt bedal ngan kain basoh derah kakloh keno atah muko pinar meta. Phtu ma kito tarik rmbut reboh nete atah semin. Dio akat tange sruh breti nyanyo jgok kito tngok. Phtu ma kito oyak mung nih siah mulut jak dulu lg boroh ngan bdok mung wt kiro. Syahmi tu anok aku mung duk ngato nyupoh oyak jahat lar gilo lar dio tu bdok x thu gpo lg. Mung x puah ati mung nk nyupoh mung mari nyupoh katku nih aku mok dio. Mung nk gati rugi mung oyak aku buleh gati erh srati mung hk mpuh tigo ekor tuh. Phtu ma kito oyk dulu nasir tok laki mung tuh spuluh taun gewe ngan aku pah mung sene² jah rapah tp aku redha sbab nasir buke jdoh aku. Tp aku syukur lpah pado tu abu mari dale idup aku ubat ati aku hk sakit tuh bhagio spai lonim ngan dio. Duk smetar abah kito tubik wt lolok batuk pah sruh ma kito naik atah umoh. Pahtu nasir plok tubik duk muko pitu duk main jeling² ko abah kito. Kito x sedak raso kito gi eret tange ma ngan abah kito naik atah umoh sruh ma bubuh nasik sbab lapar perut sari tumah duk main pasir depe umoh. Tebeng duk lok bgomo abah kito ngan nasir




▶4 (Abu, Zah Nga Nasir)

Smale maso kito duk tngok tibi sore luar kito dngar ma ngan abah kito duk kecek dale bilik. Zah abe thu zah ado ati lg ko nasir. Sbab apo abe oyak gitu sbab baru ni abe ado dngar zah psan sruh amir kirim salam ko nasir maso zah wt gi pengat pise umoh dio. Zah x prase abe duk itai dngar kuk alik pitu baru ni. Gpo gitu zah? Abee bkpo abe kecek gini zah xdok oyak pun sruh amir krim slam ko ayoh dio abe jh saloh dngar tu. Phtu abah kito oyak lingo abe x pekok lg zah abe dngar butir² gpo hk zah oyak. Abe thu abe xdok pero srati rmai supo nasir tp abe syukur ado zah syahmi phtu ida anok tino kito tuh. Gini lah klu zah sero ado ati lg ko nasir abe relo lepah zah pah ikut lah zah nk jadi bini nmbor dua nasir madu siah pun abe x kesoh asal zah bhagio. Phtu ma kito jerit abeee zah syg ko abe jnge lar oyak gini😭. Pah abah kito oyak syg palo kore zah lar lagu tuh! Kito xleh nk ork srabut dngar kito bngun gi tolok pitu bilik pah kito oyak oloh lar abah pasal krim slam pun nk cmburu. Abah tuh dduk dumoh x kijo buat duk tido bngun jah pah minum air ketum lg ma x ngukit pun. Sian ko ma. Pah abah kito jekoh ehh nasio budok nih mung xsoh duk japuk hal ore tuo deh lamo kea aku sembe tanoh lamo kea! Pahtu kito lari tubik luar tngok tibi. Duk smetar bunyi abah kito oyak xpo lah zah klu zah ado ati sngguh ko nasir abe buleh tinggal zah male ni jgok abe akan balik umoh mok ayoh abe. Zah dduk lah tigo branok sini mugo ni tanoh zah. Duk smetar abah kito tubik bibik beg turun tanoh brumm start mutor gi. Kito rindu ko abah kito jak smale lg x kelik dumoh nim keh ngaju ngan ma😭

▶5 (Abah Berigat Bodo Nga Ma)

Tadi maso kito tubik gi kb mall ngan ma ngan kak kito npok abah kito duk make piza dale kdai ngan tino mno x thu mudo lg sbayo kak kito umur 19. Phtu kito cuit ma kito oyak maa acu tngok sapo nuh dale kdai piza. Ma kito kejut xleh nk kecek. Astaghfirullahalazim meroh mere dh muko ma kito. Ma kito hungga gi kat abah bele² pege tange kito blepukk katok atah palo abah ngan beg. Sakit zahh! Hoo ptut abe x kelik dumoh pun abe ado tino lain! Ma kito jerit tnyo sapo nih abe acu oyk molek ko zah abe? Maaf zah ni wanie saeng abe. Saeng gpo ginih abe tino mudo staro nim! Wanie gewe abah kito tu snyap kote x kato gpo. Duk smeta kak kito ida mari bele² kejut ttup mulut Yaallah wanie mung wt gpo ngan abah aku sini mung jadi gano ngan abah aku wanie?😭 Phtu wanie oyak aku knal lamo dh ngan abah mung ida maso aku gi umoh mung maso kito tngktan lima lg da abah mung mitok nmbor aku pah aku bui duk main wasap knal rapat spai lonim ngan dio. Maaf da sbab x oyk ko mung. Kak kito oyk spai ati mung wanie gewe ngan abah aku mno aku nk letok muko aku klu ore lain thu. Mung saeng ngan aku jak skoloh rendoh lg wanie. Aku x rela aku xleh trimo wani mung gewe ngan abah aku😭. Kito nk mroh kiro lerak mejo abih tupoh piza phtu ma kito bui blepuk sbutir plok ngan beg atah palo abah kito. Ma kito oyak abe bo kelik dumoh abe nikoh lah klu abe nk sngat ko tino nih. Abah kito bngun nk gi kat ma kito. Zahh tnggu abee bleping abah kito reboh licin jijok piza hk tupoh kito lerak atah semin glepar dodeng² ore dale kdai pkat suko. Phtu ma kito eret tnge kito ngan kak tubik sekat teksi kelik dumoh paka x beli go satu bele² jerit. Pah ko kito sero nk jerit

▶6 (Jali Mai Cari Abah)

Maso kito duk berok dle jambe bunyi kreto breti dpan umoh pah tnyo nim umoh abu ko. Pah bunyi ma kito jwab hom ambo faezah bini abu bkpo tuh? Ambo jali ayoh nyo wanie. Ginih anok ambo wanie duo male dh x kelik dumoh pah ado ore spai brito kato dio tubik ikut abu tu ambo mari nk ngesoh nim. Phtu kito tubik jambe kito oyk hom jolo pokcik marin dulu kito jupo abah kito ngan tino duk make piza kbmall anok pokcik doh kito sero. Phtu ma kito maroh diam syahmi! Pah jali tnyo jolo ko nih? Ma kito oyk hom jolo tok laki ambo abu limo ari dh x kelik dumoh😭 Marin dulu last ambo tembok dio ngan wanie anok demo atah kbmall baloh gege dale tuh. Allahu betul ko hk zah oyak nih? Hom bkpo x btul nyo ambo pah ko ari nim sakit ati lg xleh nk trimo dio wat ginim ko ambo😭 Duk smetar kito oyak tu lah pokcik bodo sngat x caro ko anok duk lok tubik kuksir x tnyo gi mno tubik ngan sapo dea jdi gini gak sapo susoh pokcik jgok hk susoh duk blembut sngat ngan anok, anok tino plok tuh. Phtu dio oyak aku drebar lori bdok duk main ule alik kualo lupur skali sminggu jh kelik dumoh. Pahtu kito oyak x kea bini pokcik x lare anok pokcik tuh buat gitu gini ko pokcik x ajar bini pokcik jago anok molek maso pokcik xdok dumoh? Pahtu dio oyak hk wat lari anok aku buke ore lain ayoh mung jugok! Pah kito oyak jolo ko kito x tahu mujur pokcik oyak. Hahaha. Pah dio oyak boroh mulut mulut mung bdok! Erh x boroh mno pokcik kito nk oyak jahh. Pah ma kito maroh diam syahmi! Kecek apo ngan ore tuo gituh! Hom lar hom larr. Duk smeta jali mitok nmbor tlpon abah kito pah ma kito bui ma kito oyak dio ttup tuh tlpon maso anok ambo tlpon pagi tadi dmo try tlpon lah plok. Pahtu dio oyak hom xpo lah zah ambo gi dulu lah ambo mari cumo nk ngesoh jah. Xdok hal ambo wat kiro lah gano² pun. Ambo gi dulu mitok maaf bnyok tuh. Brumm dio start keto gi. Duk smetar ma kito oyak spai ati syahmi abah mu buat ma ginih😭 Kito sedih xleh nk ork pahtu kito gi jambe sambung berok pulok

▶7 (Jali Mri Ngamok, Srati Hok Mpuh)

Maa bilo abah nk balik? Ore rindu ko abah nim lamo x dngar dio ngepek😢. X thu lar syahmi ma pun rindu jgok ko abah tapi... Zahh buko pitu abe kelik nih. Yea yea abah balik. Yea yea abah balik. Kito buko pitu pah abah kito naik muahh gi sium pipi ma. Abahh bkpo tekok abah meroh tu keno gapo?😱. Zahh maafkan abe zah😭. Abe putuh dh ngan wanie saeng ida anok kito tuh. Smale ayoh dio nk tetok abe maso abe gi atar wanie dumoh mjur abe dea lari. Ma kito oyak bkpo abe wat zah ginih bkpo abe x jelas molek ko zah abe ado tino lain? Klu abe nk nikoh sore lg zah x halang abe mugo abe jate buleh nikoh 4. Zah tnggu meta deh abe nk berok nih. Maso abah kito duk berok bunyi keto breti depe umoh. Abuu mu tubik meta abu aku tahu mu ado dale umoh! Baso ore tuo gilo! X kena ore nate nih brani wat lari anok tino aku! Pah abah kito tubik jambe zahh abe sero ayoh wani mari cari abe zahh arr sudoh larr😱. Paka x basuh berok abah kito lari bele² nepik pah lopat tujun kuk nelo dapur blebokk bunyi jatuh. Kito turun tanoh tngok jali pege klewer duk pitah abah kito becuda abah kito lari kliling umoh. Maso abah kito lari prakkk abah kito jijok serati nasir paka mpuh kerah situ laluh suko selok kito. Hahaha. Nana meta abah kito bele² lari krukk kain tola dio sakut di pagar kawat tepi umoh reboh bleping. Phtu abah kito bngun bele² nepik abah kito rukah pagar buu lari masuk dale rok tlanje bogel sbab kain tola dio cabut sakut di pagar kawat takdih ngan berok² xdea basuh. Ma kito selok doh duk jerit x breti. Pahtu jali laung x apo abu ari nim mu tlepah! Mung lari lah duluh sekat mung buleh lari aku akan cari mung sapai lube cacing abu! Duk smetar jali gi kat keto bele² erek klewer pah msuk start keto brumm gi. Ma ore rusing ma ko abah tkut jali mari pulok. Gi report polih lar ma😞. Bele² jerit ma kito oyak biar duluh syahmi biar dio raso pandai buat sngat pandai lah dio tnggung. Pahtu kito gi ambik serati hk mpuh keno jijok ko abah kito takdih piungg gi lepar dale rok tkut dea nasir napok

▶8 (Baso Tino Tuo Mlut Udoh)

Maso abah kito lari msuk dale rok brambak ngan jali marin dulu abah kito kno pako ko pringat bekok abih muko. Maso kito duk cabut tunga dale bilik saknih ma kito panggil syahmi tulong ambik minyok mastika ko ma atah tagoh blake pitu tuh nk comor di muko abah nih. Alik mano ma xdop pun? Acu cari molek gakk. Hoo ado². Pahtu kito bui ubat mastika ko ma pah kito turun duk nerak tepi abah atah tanggo. Bele² ma sapu ubat muko abah ma kito ngepek. Tu lar abe cari pasal sangat wt tubik anok daro ore brambak x genak tanoh la lari pah dale rok bekok beking abih muko nyo pako ko pringat mujur x keno sodok ko babi tanoh! Maaf abe zah buke gpo cumo zah sedih sngat abe tau dop😞. Abe wat zah nim supo xdok prasaan. Xpo lah abe zah tahu zah x comel supo dulu doh jelebeh abih doh sekat branok ko ida ngan syahmi sbab tu abe cari tino lain hk mudo hk getoh x jelebeh. Tu hk abe nok kea?😢. Zah maroh lg ko nih ko abe male kato maaf doh😞. Bini mno x sakit ati abe klu tahu tok laki dio main tino lain! Meme zah bleh maaf tp dale ati zah nim raso sakit lg abe. Zah xleh nk tipu diri zah abe😭. Tapi zah syukur mujur abe x keno tetok ko jali marin dulu klu tidok gak jadi jando lah zah! Xsoh duk kecek bodo zah! Kecek apo lagu tuh! Malu kotre nyo dengar. Kbetulan siah bini nasir lalu kuk depe tanggo pah dio oyak hom mujur baru klu abu mati keno tetok gak buleh mung jadi madu aku nikoh ngan nasir! Mung gamok aku x tahu ko faezah mung ado hati lg ko tok laki aku! Doh lar serati aku abih mapuh jaso kluargo mung! Pahtu derah dio jale bele² wat muko pongoh mulut mucung jale spai tonggek punggong² naik atah umoh. Ma ngan abah kito x ketek paka senyak x kato gapo. Kito nok maroh kito bngun ambik bidah kito gi blake umoh dio blepukk kito bidah sekor² serati mapuh kerah abih sbelas ekor. Pade muko baso tino tuo mulut udoh!

▶9 (Tok Leh Srati, Sikal Pun Lacar)

Maso kito duk bsuh sikal sknih npok keto msuk breti dpan umoh kito. Maa ado ore mari! Sapo syahmi? X thu ore mari tubik tngok sdiri lah. Phtu kito tngok jali ngan wanie anok dio trun keto😱. Dk smetar ma kito tubik Yaallah! jali mari pulokk. Abee jali mari plok abe! Jolo ko zah😱. Abah kito nk trun lari pah jali laung abuu aku mari nk kecek ngan molek nih aku xsir baloh. Ngan muko pucat kesing abah kito gi duk atah tnggo wat muko sian. Gini abu aku mari nk plesai keh baru ni. Phtu abah kito bngun nk lari plok mjur dea jali sekat pege tekok. Mung dduk dluh abu aku nk kecek ngan molek nih beruk! Ginih abu loni aku nk mung nikoh ngan wanie anok aku. Mung tahu dop wanie ngandung duo bulan doh nate! Dio crito blako doh katku. Dio oyak spuluh kali doh mung prekk dio abu! Wanie brair doh mato bele² tngok ko abah kito. Abah kito ketar giga doh duk tepi ma kito. Loni kut² mno pun aku nk mung nikoh jgok ngan dio! Yaallah bkpo lar spai staro nim abe? Jolo ko spuluh kali doh abe tido ngan anok jali?😭. Abah kito tunduk senyak x kato gpo. Phtu jali oyak zahh kot² mno mu keno stuju kalu mu xsir tengok tok laki mu msuk gok! Aku x tragok² nk wat report polis dakwo abu kes rogol. Abu! Aku bui maso sminggu utk mung pikir minggu depe aku akan mari plok! Pahtu dio msuk dale keto brumm gi bele² tunjuk ko abah kito. Nate siah bini nasir duk sengeh² kut pitu nelo duk suko pah dio oyak pade doh muko mung faezah buleh tok laki kaki tino perogol plok tuh! Tu lar x pnda jago x laki sngat! Kito srabut kito gi blake umoh nasir cari serati xdok sekor abuk. Nate! Kito nk maroh kito gi ambik sikal anok dio woh umoh blegungg tolok lepar dale carr. Phtu kito lari naik atah umoh

▶10 (Sudin Hugok Hok Hutong)

Baru nim maso abah kito tubik beli tomyam kdai abah kito eksiden patoh poho. Saknih jali ngan wani mari umoh kito. Gano ya buleh eksiden ni abu? Pah ma kito oyak dio tepuh kuba litah tngoh jale pah nambung jtuh dale tong sapoh tepi jale😞. Wanie duk jerit ttup idung tepi jali. Pah gano kputusan mu nk nikoh ngan wanie? Kot² mno mu kno nikoh jgok abu demi mruoh anok aku. Sbar dulu jali. Aku nok nikoh ngan wanie bini aku pun stuju doh tapi... Tapi gpo abu! Doktor oyak urat saraf pok dogol aku punoh abih doh maso eksiden😭. Doktor oyak aku mati pucut mandul pok dogol aku x idup spai bilo² doh😭. Klu aku nikoh tkut sian plok ko wanie sbab meme aku xleh nk bui nafkah batin ko wanie😭. Senyak kote jali ngan wanie. Duk smetar pok daro kito sudin mari pah tanyo abah kito hano bu hakit ho hekhiden hujur hok hapuh. Mu haik huto hano bu huleh ekhiden? Din mjur mu mari din. Aku nk mtok tulong mu nih skali ni jah din🙏. Pah sudin tanyo hitok hulong hapo bu? Aku nk mitok tulong mu nikoh ngan tino ni din. Dio ngandung anok aku din😭. Haa herat hinih bu hano huleh hadi hinih bu? Aku xsir kecek bnyok din aku nk tanyo mu bleh dop jadi pok sanggup? Tulong aku kali ni jah din🙏😭. Aku xleh nikoh ngan dio din sbab doktor oyak aku mati pucuk mandul doh din urat saraf pok dogol aku punoh abih din x idup spai bilo² doh sbab trembah maso eksiden. Mngkin ni blasan Tuhan din. Aku xleh nk puaskan dio din klu nikoh pun. Sian dio din. Dio mudo lg din😭. Haa hudoh larr. hunggu huluh bu haku hok hikir huluh. Haa herat lar haku hitih² hakdok hok hikoh hano? Pah jali oyak aku pun xdok plihan lain doh abu. Din klu mu xdok pitih aku buleh support mu asalkn mu snggup nikoh ngan anok aku. Sengih metar sudin duk main jeling² ko wanie😍. Gano wanie mu stuju dok nikoh ngan sudin? Bele² sebok wanie oyak ore xapo blako ayoh asal ado hk joh snggup jah skure² ore kapung x ngato ko ayoh dea wanie branok skit lg biarlah dio kecek soseng pun😭. Duk smetar kito turun tanoh pnggil amir anok nasir ajok main pasir

▶11 (Anok Srati Bru Pulok 😏)

Maso kito kelik make gulai nikoh sudin pok daro kito saknih kito duk nerak atah tanggo sbab letih. Pahtu amir anok nasir pnggil kito syahmi mari lah main pasir puah aku main sore. Mari lar syahmi kito wat lube tikus cpat lah. Ho tnggu meta aku nk gi ambik cawe dpur nk wat korek lube. Pahtu kito hungga naik atah atah umoh gi dpur ambik cawe. Maso kito hungga nk tubik prakk kito jijok kaki abah kito duk tido😱. Aduhh! Baso mnate budok hungga x kaba ingat mu buto ko! Mjur x jijok poho aku hk patoh ni! Phtu dio pekong kito ngan batal mjur x kno. Phtu kito turun tanoh gi kat amir. Maso kito duk korek pasir ngan amir kito tngok nasir turun keto bibik anok serati dale rago bnyok jgok ado dkat duo belas ekor. Pahtu amir suko bele² lopat yea yea abah beli serati! Yea yea abah beli serati! Duk smetar amir oyak syahmi mu bo lah katok serati aku sokmo mu katok sian ko ayoh ngan ma aku xdea nk gulai mpuh abih mu katok😞. Aku katok pun sbab serati mu duk berok atah tanggo umoh aku skmo etek klu tidok aku x katok. Baru ni berok atah plano sikal aku doh sbab tu aku maroh. Phtu amir gi oyak ko nasir abahh bo lah lepah serati kuksir sian ko syahmi keno berok atah plano sikal dio. Abah tambak molek lah. Phtu nasir oyak ho abah tambak molek lar pahni nyoh. Phtu nasir tanyo kito syahmi gano poho abah mu hk patoh sia dh ko? Tau pokcik x sia lagih duk jale kecok gitu dio. Syahmi kirim sale ko ma syahmi deh oyak pokcik sir krim sale. Hom. Phtu siah bini dio tubik tanyo abe oyak gpo ko syahmi saknih siah x dngar acu abe oyak skali plok! Abe xdok oyak gpo siah! Phtu siah tarik rambut nasir naik atah umoh. Duk smetar bunyi gogeng² duk baloh. Abe carai lar siah abe! Abe cerai laluh! Jange siah jange oyak gituh! Pahtu kito naik atah umoh. Dale palo kito duk main mikir ko anok serati hok nasir wat kelik takdih x tahu bakpo😏

▶12 (Mjur Mu Srati)

Syahmii mu mari sini metar bdok! Gpo gak kak bose lar hom! Mu mari kelih nih nate apo woh katil mu nih! Mu curi mano anok serati nih pah dale bilik wat masuk abih nyo berok. Tolo lar mu nih syahmi! Diam lar kak dngar ko abah nuh. Biar nyo dngar lah aku nk oyak ko abah. Abahh tngok syahmi nih.. Gapo namo gak bdok duo ekor nih aku nk tido xleh lamo aku hatuk palo duo² lamo kea! Nih abah tngok syahmi nih wat msuk serati dale bilik dio abih berok atah karpet. Zahh acu gi tngok gak bdok duo nuh bose lar hom aku nyo sakit poho! Astaghfirullahalazim baso bdok btuoh! Serati sapo mu ambik nih syahmi wat naik pah katah umoh? Phtu bunyi ore bui bui salam ma kito pun gi tubik. Ouh abe nasir ado gpo? Syahmi ado dumoh dok zah? Ado tuh. Syahmi nih pokcik nasir pnggil. Phtu kito tubik tnyo ado gpo pokcik? Syahmi ado npok dok anok serati pokcik sbab x ckup etek sekor. Ado nih pokcik kito sipe dale bilik. Tkdih maso serati pokcik duk atah tnggo umoh kito ado bewok nk make mjur dea kito ambik wt lari. Jolo ko syahmi pah serati pokcik x berok ko atah tnggo tuh? Hom jolo mjur x berok cumo prekk gitu jah pokcik. Nati meta kito nk gi ambik. Hohh. Allah trima kasih syahmi mjur syahmi dea wat lari klu tidok gk xdok lah serati pokcik nyo make ko bewok. Hom lar pokcik. Dio x thu kito wat lolok jah sbenar serati dio nk kno make ko bewok pdahal kito wat lari msuk dale bilik nk cekik tekok sbab nyo prekk plok atah tnggo tkdih. X serik² lagih nasir nih😠. Nasib mu baik ari nim

▶13 (Baso Srati Pranga Hudoh)

Maso kito kelik ngaji sakni kito nk berok lolo pahtu kito gi jambe tngok ado ore. Kito xleh nk ork kito kito trun hungga tanoh phtu prekk dale pasir depe umoh nasir. Sudoh berok kito kambuh pah gi naik bsuh atah umoh. Duk smetar kito trun duk atah tnggo tngok amir duk korek pasir. Phtu kito oyak amirr mu jnge korek alik tuh bekah aku kambuh taik aku berok situ saknih. Phtu dio oyak nawok mu syahmi! Duk smeta kito tngok abih kuning tange dio pah jerit naik atah umoh. Phtu kito dngar siah duk ngepek mu jamoh taik mno nih amir puahh abih tange gi bsuh nuh bsuk banga bau! Aku katok ngan bate nyapuh atah palo lamo kea gi basuh nuhh! Phtu amir oyak ore jamoh taik syahmi saknih ma maso duk main pasir dio berok dale tuh😭. Duk smeta siah trun jale bele selok kain mari mroh ko kito syahmii bkpo ya mu gi berok dale pasir umoh aku? Abih keno tange anok aku. Mu thu dok pasir tuh ore nk wat kijo nk wat melah semin mu gi berok dale tuh. Prangai udoh mu nih wat nyusoh kotre skmo! Nati lar aku nk bakar taik biar bruk jubo! Phtu kito oyak koya mokcik serati mokcik tuh sngguh prangai udoh mari berok skmo atah tnggo kito. Skmo nyusoh ko ma kito joh keno kokok taik. Pade doh muko mokcik gi lah kokok buang taik kito plok dale pasir tuh! Erh baso nasio bdok nih! Duk smeta kito lari naik atah umoh pah itai kot pitu nelo kecik besar kecik besar jah kito tngok duo belas ekor hk duk bwoh umoh tuh😠

▶14 (Becuda Lari, Nasir Ngamok)

Saknih nasir mari umoh kito maroh keh kito berok dale pasir depe umoh dio marin. Panah molek sero mari ngepek bodo gituh. Lpah dio kelik saknih kito naik atah umoh msuk dpur ambik tali ropia. Ma kito tnyo mu nk wat gpo tali tu syahmi? Ado lar ma x pyoh tanyo lah😒. Mu x soh duk wat munoh lar tali tuh syahmi ma nk wat sida kain. Oloh ore ambik kerat skit jah nyoh. Lpah kito kerat tali bbuh dale poket kito gi ambik nasik stokol dale puyuk. Phtu kito trun tanoh msuk woh umoh nasir kito tabur nasik depe serati. Sede molek acu dio nk make kito lopak gaa pege tekok. Kito ikat kaki dio ngan tali ropia pahtu kito pusing² blebokk rembah atah tanoh sapai tubik taik. Kito x puah ati kito tarik gi tambak di plano sikal pahtu kito naik gatih eret kliling umoh sapai lembik lotek. Duk smetar nasir tubik jekoh bele² pege klewer😱 Woiii mu wat gpo ngan serati aku tuh budok! Mu lepah syahmi! Menate budok nih! Phtu kito tngok serati x gerok lasung mapuh doh sero. Dok pokcik buke kito buat! Serati pokcik sakut kaki di tali sikal kito! Phtu nasir akat klewer nk ambak kito. Paka x kecek bnyok kito rembah sikal buu lari kot atah tembok masuk dale rok. Loni kito x kelik lg dumoh duk nusuk atah pokok takut nasir tetok kito ngan klewer

▶15 (Tok Leh Ork Berok 😈)

Maso kito duk main tlepon atah kusi saknih kak kito ida mari maroh. Syahmi bkpo mu nih bengong erh abih duk kutip crito buat status dale group irdk. Mu x malu kotre ko duk crito psal ma ngan abah dale tuh! Mu xdok kijo ko erh budok! Psal aku pun mu gi crito abih dale tuh malu muko aku nih ore pakat duk nanyo mu tau dop! Oloh ore sajo jh puah duk umoh nk tubik derak ma ngan abah x bui sngat. Tau doh puah pun jange lar duk post crito gitu! Sbutir klate doh tahu psal kluargo kito mu tau dop! Sbab mu lah! Biarlah ore x guno tlepon kak pun ikut ore nk post gpo pun abe kubi ngan abe aizudin x maroh pun kito post dale group😒. Meme dio x maroh mugo buke mu crito psal dio. Klu mu crito pasal dio ginih lamo doh mu keno ban! Ni psal kluargo kito mruoh aku jgok! Pah ko nasir ngan siah mu duk jajo crito dio dale group irdk. Mu gamok nasir worih waroh dio x baco ko? Malu aku syahmi ado adik supo mu nih. Duk smetar bunyi ore bui salam. Assalamualaikum... Pahtu kak kito buko pitu ehh fatin naik lah tin. Mu duk wt gpo da masok ko? Dok eh duk bual ngan adik aku nih. Pahtu saeng kak kito fatin tu kejut tngok kito pah tanyo ehhh ni syahmi budok hk duk ngepost skmo cerito dale group irdk tu kea!😱. Yaallah adik mu ko ni daa? Hom lar tin adik aku. Syahmi kak minat ko syahmi kak sokmo baco crito syahmi dale irdk tuh pndai syahmi reko crito. Kak lamo dh nk jupo syahmi. Duk smeta dio bngun mari gaa peluk muahh cium pipi kito😍. Terharu sero😍. Kito xleh nk ork malu tlajok buu kito gi lari msuk dale jambe. Pahtu dio gi ketuk pitu jambe syahmii tubik lah kak nk bual ngan syahmi. Tnggu meta kak syahmi nok berok nih

▶16 (Lpar Nok Begewe Lah Lok)

Pete saknih maso kito kelik beli goreng pise kito tngok apih gewe kak kito mari dumoh duk bual ngan kak kito atah tanggo. Spai depe tanggo blegungg kito laca sikal woh umoh. Phtu dio tnyo ehh syahmi mari mno nih derah gatih sikal reboh lamo kea. Phtu kito oyak abe x napok ko kito bibik goreng pise nih gi beli goreng pise lah gpo lagih! Koya nk nanyo nk wat baik! Cede ko nk mari ambik kak kito tubik gi derak gmok kito x thu!😒. Phtu kak kito maroh mu kecek molek syahmi aku tapar mulut tuh lamo kae! Phtu kito sepak slipar dio buu naik atah umoh. Maso kito duk make goreng pise dpe tibi bunyi ado ore mari kito itai kot nelo tngok pok daro kito sudin ngan bini dio wanie. Sudin tnyo ehh hapih mu huat hapo hinih mu hadi hano nga ida hanok haro haku hih? Yakk ida ni anok sdaro pokcik din ko? Arr keno molek kali nih. Kito gewe ngan ida pokcik din! Hahh hu hio heno holek. Haku hok hau. Hamo hoh mu hewe ngan ida? Tigo taun dh pokcik din kito gewe ngan ida. Phtu kak kito oyak abe knal ko pokcik sudin ni? Bkpo x knal nyoh pokcik sudin ni tuke kebun maso abe skoloh poli kok lanas duluh. Abe skmo beli rkok ngan dio maso rehat pahtu isap blake skoloh. Hahaha pakat suko. Phtu apih tnyo pokcik din sihat ko? Ho haku hihat hokmo hok hajin hakit. Bini pokcik din ko nih mudo jah npok? Ho hini haku hah hamo wanie. Hok hapo hah haku hok gi hoh nih hado hijo hikit hula² hupo hulok. Xpo lah pokcik din naik mutor molek tuh! Duk smeta kak kito ngan gewe dio tubik gi ngan keto. Loni kak kito x kelik lg nih dumoh tubik ngan apih gewe dio takdih. Nati lar kelik pahni kito nk sumbat pasir dale ejoh keto proton saga dio

▶17 (Mpuh Plok Srati Nasir 😭)

Pete tkdih gwe kak kito mari plok dumoh duk bual ngan kak kito atah gere. Mso kito duk main nopak sikal dpe umoh dio pnggil kito. Kito rembah sikal gi kat dio. Hom gpo? Bkpo syahmi npok supo mroh jh ko abe pih? Smale syahmi ko bbuh pasir pah sumbat bate kayu dle ejoh keto abe parking tepi jale maso kelik atar kak ida? Meme pun kito buat! Kito nk maroh sbab abe skmo tubik ngan kak phtu male buto baru kelik atar. Doh lar x ajin bui pitih kito maso mari umoh. Kupit hangit. Hmm sbb tu ko syahmi mroh? Doh xpo lah klu gitu lain kali abe kelik awal la klu tubik plok ngn kak ida gak deh. Hom. Xpo lah mi abe nk kelik dh nih. Daa abe gi dluh. Ho naik keto molek tuh. Phtu dio holor duit ko kito sriya. Oloh sriya jh ko nk beli gpo sriya! Phtu dio buko beg duit bui hk wano purple😱. Timo kasih abe apih😍 Semax abe apih sbab tu kak kito gilo ko abe😍. Hom jnge duk wt beli kuksir lah. Ok bea. Kbetulan mso apih jale nk msuk dle keto fatin saeng kak kito sapai pah dio duk jeling² ko apih. Ida gewe mu ko tuh? Hom lar. Namo apih kea? Hom mu knal mno tin? Aku knal sngat dio daa skapung ngn nadia spupu aku. Nadia beso gewe doh ngn dio daa tp x kekal lamo mugo dio brehi main tino. Nadia spupu aku tuh frust ngan dio gi lari pah johor x kelik² spai loni. Xsoh gewe lah daa ngan dio kijo malah duk make tdo jh. Tdo lewat skmo tengohari baru bngun nk kijo gano. Xdok duit jual kuro. Keto pun naik keto ayoh dio. Arap ko ado batu jh duo butir. Phtu kito tngok kak kito jerit. Mu xsoh duk wt crito lar fatin aku x cayo blako gpo hk mu oyk!😭 Klu mu ado hati ko apih mu oyk tin aku bleh lepas dio tin😭. Mu jnge nk buruk psal dio. Aku knal apih tin! Tigo taun dh aku gwe ngn dio mu tau dop!😭. Klu mu xdok bukti mu x pyh nk mari crito katku lah aku x akan cayo! Hmm ikut mu lah daa aku joh tlong oyk jah atah mu lah nk cayo ko dok. Aku x gilo nk rapah gwe mu daa. Xpo ah aku kelik dluh. Phtu fatin start mutor gi. Xde msuk gear duo prakk nyo jijok anok srati nasir mpuh kerah sekor spai tubik taik😭

▶18 (Teredah Srati)

Marin maso kito duk rukah pkok pauh dpe umoh kito dngar nasir duk ngepek siahh acu mu mari tngok serati aku mpuh plok doh sekor nih! Mnate clako sngguh! Phtu siah turun Yaallah bkpo ya buleh mpuh nih abe? Mno ktahu aku trun tngok² mpuh doh! Phtu anok dio amir mari oyak ore sero syahmi doh katok serati ni abah! Acu mu gi pnggil dio meta amir aku nk tnyo. Nuh dio ado duk atah pkok pauh nuh abah. Phtu nasir mari lenggok atah pkok syahmii mu ko wat mpuh plok serati aku! Mu trun smeta bdok! Phtu dio ambik galoh jolok jubo kito. Bo lar pokcik jolok sakit jubo kito nih😭. Phtu kito tenja galoh blegungg tujun turun. Bkpo gak ya mu brehi sngat duk wt kenak ko serati aku? Prangai gpo mu nih! Dok pokcik buke kito wat mpuh serati pokcik. Takdih fatin saeng kak kito mari dumoh pah maso nk kelik dio jijok serati pokcik ngan mutor. Kito nk oyk dh pokcik tp kito tkut. Baso clako sngguh besar serati x npok buto ko! Pah sekor² mpuh! Syahmi mu psan ko saeng kak mu tuh klu mari plok aku nk beloh tayar mutor dio! Phtu nasir ngan siah naik atah umoh. Duk smetar amir pnggil syahmii mari sinih meta igak serati aku tlepah nih cpat syahmi! Derah kito pecat slipar buu hungga gi pitah ngan amir blake umoh. Phtu amir reboh nyembe muko dle car suko selok kito😂. Phtu dio bngun sapuh muko gi pitah plok. Culah molek serati nihh. Kito nk mroh kito ambik bate kayu blepukk redah keno palo reboh bleping x gerok. Bodo lar nate syahmi bkpo mu pekong nyoh aku sruh igak ngan tange! Doh serati mu culah sngat! Kot mu ahh klu abah aku tnyo aku oyak mu doh wat mapuh plok serati😠. Aku x pisoh amir! Phtu kito lari naik atah umoh kuci pitu msuk nusuk dale bilik

▶19 (Jago La Mu Pokloh Kmbing)

Saknih maso kito duk kerat kuku atah tnggo kito tngok nasir duk bui make ko serati dio dpe umoh. Comel jh kito tngok serati dio make gere sero nk sium mucung😍. Duk smeta npok pokloh lalu kuk atah tembok bele² eret kambing pah breti tnyo rmai serati mu sir segar² molek npok xsir jual ko? Rmai mno gak loh hk duo belas ekor ninggal lape ekor dohh mpuh nyo wat kenak ko bdok. X jual kalih loh pero nk wat make jah nih bele² puah duk sajo. Phtu pokloh oyk mu pero kambing la plok sir supo aku nih mdoh nk jago cerut duo tigo guni bui make tambak paka tinggal gitu jah. Limo ekor aku pero xdok mpuh sekor abuk lg. Nk pero kambing gano loh xdok modal mugo nate goni buke nyo muroh xdok 4,5 ratus xleh nk pero loh. Aku beli serati ni pun pinje pitih amanah x abih² lg duk byar loni. Pero beruk mu xsir ko sir? Klu nok aku bleh oyak ko salleh pawoh ngan dio gano? Bnyok ekor jgok aku tngok atah pkok blake umoh dio. X thu nk kato jgok aku tuh nati aku oyk plok ko mu loh klu braso nok gk. Kito nok pokcik kito minat jgok beruk pokcik nati kito oyk ko abah kito! Phtu nasir oyk mu duk diam bdok aku rukup ngan bekah atah palo lamo kea nk japuk teh! Kito celik mato ko nasir phtu dio celik balik kito😠. Pahtu kito tunduk kerat kuku. Anok abu ko nih sir? Abu lagu mno loni sia dh ko poho dio hk patoh eksiden bru nih? Hom anok dio lah nih. Bdok ni loh hk duk katok serati aku smace mpuh jaso dio blako. Arr pege kerat pele lah ngenak apo ko serati ore. Duk smeta kito bngun oyk kito thu doh pokcik tambak mno kambing! Nati lar!😠. Bkpo ko kambing aku nyoh bdok! Pahtu kito naik atah umoh blegungg tutup pitu😠..

▶20 (Mapuh Kerah Doh Kmbing 😭)

Amir! Mu duk wt gpo atah umoh tu kato nk gi main wau pade cpat lah turun! Tnggu duluh mi aku nk salin sluar meta aku kicik saknih dle sluar. Phtu amir turun tnyo mu ikat doh ko mi tali di wau mu? Ho aku ikat doh takdi lagih. Mi mu tulong ikat katku bleh dop aku x pndai. Nate nih benok po kuro nk ikat tali wau x reti. Biar ah mu oyk gitu katku gak malah aku gi mu gi sore ah😔. Oloh koya ngaju nate nih po tino meh sinih nk ikat aku blepuk ngan slipar atah dahi bru thu😒. Phtu amir suko😁. Hoh siap doh pege molek sipul tali lamo kea. Duk smeta kito ngan amir jale gi pade bwok wau. Spai pade kito tarik tali wat hungga wau tinggi jgok naik skit lagih nk tepuh ngan kpal terbe. Wau amir x sir naik duk musing pat tulo bengong po tuan😁. Maso kito duk cutt tali wau kito tngok ado kambing tigo ekor duk bwoh pkok tepi pade wrno koko topok putih. Kito ambik puting kayu ikat tali wau pacok tanoh phtu kito gi kat kambing. Mir mari sini meta mir! Gpo? Cepat lah letok wau mu tuh duluh. Mir mu tarik tali kambing ni deh aku nok naik atah blake dio wat kudo pahni mu plok naik aku tarik. Ho buleh². Phtu kito lopat naik atah blake kambing amir joh tarik. Mir tarik derah sikit! Phtu amir tarik bele² hungga kito duk atah blake kambing bele pege tanduk main kliling pade. Wuuu! Sedak jgok mir supo naik kudo. Jolo ko pahni aku plok naik mi deh. Hom. Maso kito duk tngoh sdak naik nate kambing glecoh kaki dale lube reboh bleping skali ngan kito nyembe muko nunggeng nyor atah tanoh😭. Nate amir suko selok😠. Duk smeta bunyi ore jekoh Woiii kambing aku tu gilo! Mu wat gpo ngan kambing aku tuh budok! Baso celako! Kito paling blake tngok pokloh hungga bwok sadak mari nk ambak kito😱 Amir! Lariii! Pokloh ambakk! Paka x kecek banyok buuu bkebuk kito lari kot tengoh pade ngan amir pahtu lari msuk nusuk dale rokk. Bele² knaling kito itai kuk celoh pkok tngok pokloh duk selo atah tanoh bele² jerit depe kambing dio. Mir acu mu tngok kambing tuh x gerok mir aku sero mapuh dohh😱. Phtu kito tngok amir genyeh mato jerit sbab sian tngok kambing. Manjo lar nate nih!

SAPA SINI DLU.TUNGGU PENULIS NOVEL SAMBUNG PLK.
YANG SETIA MEMBACA NOVEL

Kredit: Cikgu Jie